2015 jylǵy 30 qarasha, Astana qalasy
Materıaldyq emes mádenı mura elementteriniń ulttyq tizbesin júrgizý qaǵıdalaryn bekitý týraly
«Mádenıet týraly» 2006 jylǵy 15 jeltoqsandaǵy Qazaqstan Respýblıkasynyń Zańynyń 7-baby 21-1) tarmaqshasyna sáıkes buıyramyn:
1. Qosa berilip otyrǵan Materıaldyq emes mádenı mura elementteriniń ulttyq tizbesin júrgizý qaǵıdalary bekitilsin.
2. Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamenti zańnamada belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp, Qazaqstan Respýblıkasy normatıvti quqyqtyq aktileriniń etalondy baqylaý bankine engizý úshin eltańbaly mórmen kýálandyrylǵan qaǵaz danasyn qosa bere otyryp osy buıryqqa qol qoıýǵa ýákiletti tulǵanyń elektrondyq sıfrlyq qoltańbasymen kýálandyrylǵan elektrondyq túrdegi osy buıryqtyń kóshirmelerin joldaýdy;
3) osy buıryq resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsyna ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıse-mınıstrine júktelsin.
4. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýy tıis.
Mınıstr A.MUHAMEDIULY
Qazaqstan Respýblıkasy Mádenıet jáne sport mınıstriniń 2015 jylǵy 30 qarashadaǵy
№368 buıryǵymen bekitilgen
Materıaldyq emes mádenı mura elementteriniń ulttyq tizbesin júrgizý qaǵıdalary
1. Jalpy qaǵıdalar
1. Osy Materıaldyq emes mádenı mura elementteriniń ulttyq tizbesin júrgizý qaǵıdalary (budan ári – Qaǵıdalar) materıaldyq emes mádenı mura elementteriniń ulttyq tizbesin (budan ári – Ulttyq tizbe) júrgizý tártibin anyqtaıdy.
2. Osy Qaǵıdalarda mynadaı negizgi uǵymdar paıdalanylady:
1) materıaldyq emes mádenı mura (budan ári – MEMM) – urpaqtan urpaqqa beriletin jáne materıaldyq emes mádenı qundylyq bolyp tabylatyn salttar, túsinikter men paıymdardyń nysandary, bilim men daǵdylar, sondaı-aq olarmen baılanysty quraldar, zattar;
2) Ulttyq tizbe – Qazaqstan halqynyń materıaldyq emes mádenı murasynyń mádenı qundylyqtarynyń tizbesi.
3) materıaldyq emes mádenı murany saqtaýshylar – Qazaqstannyń materıaldyq emes mádenı muralaryn jasaýda, saqtaýda jáne qaıta jańǵyrtýda mańyzdy ról atqaratyn, mádenı ártúrlilikti baıytatyn jáne adamdardyń shyǵarmashylyq qabiletin damytatyn jergilikti jáne etnıkalyq qoǵamdastyqtar, toptar jáne keıbir jaǵdaıda jekelegen adamdar.
3. Materıaldyq emes mádenı qundylyqtarǵa (budan ári – MEMQ elementteri) myna elementter jatady:
1) materıaldyq emes mádenı muranyń jetkizgishi retinde tildi qosa alǵanda, paıymnyń aýyzsha dástúrleri men nysandary;
2) oryndaýshylyq ónerler;
3) salttar;
4) ádet-ǵuryptar;
5) meıramdar;
6) tabıǵat pen álemge jatatyn bilim jáne salttar;
7) dástúrli kásiptermen baılanysty bilim jáne daǵdylar.
2. Ulttyq tizbeni júrgizý tártibi
4. Ulttyq tizbe materıaldyq emes mádenı muranyń ómirsheńdigin, ony qujattandyrý, zertteý, saqtaý, qorǵaý jáne nasıhattaýdy qamtamasyz etý maqsatynda júrgiziledi.
5. Mádenıet salasyndaǵy ýákiletti organ (budan ári – ýákiletti organ) Ulttyq tizbeni qazaq jáne orys tilderinde, qaǵaz jáne elektrondy nusqada, osy Qaǵıdalarǵa qosymshaǵa sáıkes úlgi boıynsha júrgizedi.
Ulttyq tizbe ýákiletti organnyń resmı ınternet-resýrsynda ornalastyrylady.
6. Mádenı qundylyqtardy zerdeleýmen aınalysatyn jeke jáne zańdy tulǵalar elementtiń anyqtalýyna qaraı qajetti málimetteri bar hatty (budan ári – hat) ýákiletti organǵa joldaıdy.
Elementter týraly málimetter mynalardy qamtıdy:
1) elementtiń tolyq ataýy;
2) osy Qaǵıdalardyń 3-tarmaǵynda kórsetilgen elementtiń túri;
3) elementtiń sıpattamasy (qandaı da bir etnosqa tıesiligi, sondaı-aq janry, paıda bolý tarıhy, MEMM-ny saqtaýshylar jáne taǵy basqa sıpattaıtyn málimetter);
4) elementtiń taralǵan jeri (oblys, qala, aýdan, aýyl);
5) fotosýretter, elementti kórsetý nemese tyńdaý qajet bolǵan jaǵdaıda, vıdeo nemese aýdıomaterıaldar;
6) elementtiń saqtalý deńgeıi;
7) element týraly derekter (ǵylymı materıaldar, saıt jáne ózge derekter).
7. Ýákiletti organ hat túskennen keıin ony otyz kúntizbelik kúnniń ishinde qarastyrady.
8. Ýákiletti organnyń janynda turaqty túrde jumys isteıtin saraptamalyq komıssııa (budan ári – Komıssııa) qurylyp, kelesilerdi anyqtaıdy:
1) elementtiń memlekettik mańyzy barlyǵyn;
2) elementtiń urpaqtan urpaqqa beriletindigin;
3) ózderiniń mádenı murasynyń bólshegi dep esepteıtin Qazaqstan aýmaǵyndaǵy etnostar, toptar nemese jekelegen adamdardyń elementti qoldanatyndyǵyn.
9. Komıssııanyń quramy tóraǵa, hatshy jáne ýákiletti organnyń ókilderinen, tarıh, mádenıet, óner salalarynyń ǵalymdary men sarapshylarynan qalyptasatyn Komıssııa múshelerinen turady.
10. Komıssııanyń tóraǵasy Komıssııanyń qyzmetine basshylyq jasaıdy, otyrystaryn ótkizedi jáne olardyń hattamalaryna qol qoıady.
11. Otyrystardy uıymdastyrýdy, tıisti qujattar men materıaldardy, onyń ishinde hattamalardy ázirleýdi hatshy júzege asyrady. Hatshy Komıssııanyń múshesi bolyp tabylmaıdy.
12. Komıssııanyń májilisi hattardyń túsýine qaraı ótkiziledi.
13. Komıssııanyń qorytyndylary onyń otyrysyna qatysqan Komıssııa músheleriniń jalpy sanynyń kópshilik daýysymen ashyq daýys berý arqyly qabyldanady. Daýystar teń bolǵan jaǵdaıda Komıssııa tóraǵasynyń daýysy sheshýshi bolyp tabylady.
14. Komıssııanyń sheshimi usynymdyq sıpattaǵy hattamamen rásimdeledi.
15. Ýákiletti organ elementti Ulttyq tizbege engizý týraly Komıssııanyń sheshimi negizinde on jumys kúni ishinde MEMQ elementterin Ulttyq tizbege engizedi jáne ony ýákiletti organnyń resmı saıtynda jańartady.
16. Ulttyq tizbege engiziletin ár MEMQ elementine tirkeý nómiri beriledi.
Materıaldyq emes mádenı mura elementteriniń ulttyq tizbesin júrgizý qaǵıdalaryna qosymsha
Nysan
Materıaldyq emes mádenı mura elementteriniń ulttyq tizbesi
№
r/s Elementtiń tolyq ataýy Elementtiń túri MEMM-nyń* sıpattamasy (qandaı da bir etnosqa tıesiligi, sondaı-aq janry, paıda bolý tarıhy, MEMM-ny saqtaýshylar jáne taǵy basqa sıpattaıtyn málimetter) elementtiń taralǵan jeri (oblys, qala, aýdan, aýyl) fotosýretter, vıdeo nemese aýdıomaterıaldar
(dana) elementtiń saqtalý deńgeıi element týraly derekter (ǵylymı materıaldar**, saıt jáne t.b. derekter)
Eskertý:
*MEMM – materıaldyq emes mádenı mura.
**Avtory, ataýy, basylymy, shyqqan merzimi, beti kórsetiledi.
Buıryq Qazaqstan Respýblıkasynyń Ádilet mınıstrliginde 2015 jylǵy 29 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12594 bolyp engizildi.